مقالتنا النهاردة عن ال Multiplayer network solutions و كل ما يخصها من أول أهميتها
و هي عبارة عن ايه لحد ازاي تختار الأنسب ليك كمطور ألعاب ؟
في البداية خليني أقولك إن تطوير الألعاب متعددة اللاعبين بيختلف عن تطوير الألعاب الفردية و بالذات
بسبب كمية التحديات المتعلقة بالشبكة اللي هتواجهك بالتالي الأدوات و طرق الحل المُستخدمة أكيد هتختلف و ده اللي هنناقشها النهاردة.
يعني ايه Multiplayer network solution ؟
ال Multiplayer network solutions هي بكل بساطة بعض الحلول المتخصصة بمختلف أنواعها تم انشاءها من خلال الشركات الرائدة في مجال تطوير الألعاب عشان تسهل اكتر انشاء ال Multiplayer games و تتغلب علي المشاكل الموجودة في نوع الألعاب ده بالذات المتعلق بالشبكة زي مشكلة التزامن بين للاعبين و ارسال و استقبال الإشارات و غيرها.
ازاي أختار أنسب Multiplayer network solution ليا ؟
مبدئياً لازم تعرف أن مفيش حل أو استراتيجية واحدة هي اللي هتمشي بيها او هتناسب دايماً كل أنواع الألعاب عشان كدة في كل مرة لازم تختار الأنسب علي أساس Game genre اللي بتطورها و خصائصها و متطلباتها و ال Game Engine اللي بتشتغل عليه و بردو عدد اللاعبين اللي عايز تضمُه و نواحي تانية كتير.
عوامل اختيار ال Multiplayer network solution المناسب:
من الطبيعي يكون فيه عدد من العوامل اللي علي أساسها تقدر تحدد الأنسب ليك و هقولك عدد من أهم العوامل دي في مقالة النهاردة:
الدعم: و ده اللي بيتم تقييمه علي أساس مدي احتمالية حدوث أعطال و لو حصلت هتاخد وقت قد ايه عشان تتصلح؟
سلاسة الاستخدام: و ده اللي هو مدي سهولة الاستخدام و انك تبدأ بتنفيذ المهام السهلة اللي بتطلب وجود عينات كويسة و برامج تعليمية و حلول لواجهة البرنامج.
قوة الأداء: و ده بيتحقق أهم شيء عن طريق سرعة التزامن.
قابلية التوسع: و قد ايه هو يقدر يدعم عدد كبير من المشاركين من غير ده ما نضحي بجزء من فاعلية الأداء.
السعر: و ده بيندرج تحته سعر الأداة نفسها زائد أي تكاليف غير مباشرة ممكن تظهرلك بعد كدة عشان تقدر تطلع مشروعك.
التقييد: بمعني أنه يكون من الصعب جدا أنك تحول لنماذج تانية للشبكات لو لعبتك احتاجت قدرات تانية أعلي و متقدمة أكتر.
أفضل ال Multiplayer network solutions
مؤخراً و بناءً علي ترشيحات و استخدامات الرواد و المستهلكين في مجال تطوير الألعاب فهم أجمعوا علي عدد معين من حلول الشبكات الفعالة و اللي هنتكلم عن مميزاتهم و عيوبهم بشكل مبسّط هنا:
MLAPI
و هو مفتوح المصدر و اللي أجمعوا عليه أفضلهم بشكل عام و خصوصا من ناحية الدعم و سهولة الاستخدام الي حد كبير و قوة الأداء و التزامن بشكل ممتاز بالإضافة لعدة المميزات اللي بيتضمنها زي RPCs, Scene Management, Messaging System & Relay, زائد إن تكلفة شراءه صفر و مفيش أي رسوم شهرية.
الشيء الوحيد اللي ممكن يقلل تقييمه شوية هو وجود التكاليف الغير مباشرة اللي ممكن تدخل في الخدمات اللي هتحتاجها أثناء شغلك زي ال dedicated server hosting or relay
Photon PUN
و الأكثر استخداماً علي الاطلاق لنوع الألعاب اللي وقتها قصير و عدد لاعبينها قليلين, و هو بيصنف من ال semi-authoritative solutions , هو جيد الي حد كبير لكنه مش الأفضل علي مستوي التقييم العام أو الدعم الكامل أو الأداء و خاصة ال Scalability لكن خلينا نقول انه ممتاز من ناحية سلاسة الاستخدام و كمان الخصائص المتضمَنة فيه الي حد كبير زي ال RPCs, serialization & Hosted relay and simple matchmaking بالإضافة لإن قيمة شراءه مجاناً و لكن كرسوم شهرية هتدفع CCU based.
Photon Quantum v2
و هو جيد الي حد كبير من ناحية التقييم العام و الدعم و الي حد ما سلاسة الاستخدام لكنه بيتميز بقوة أداؤه العالية و سرعة التزامن فيه, علي الجانب الآخر فهو فقير من ناحية الscalability و الي حد ما التكاليف الغير مباشرة اللي ممكن تكون غالية لو احتاجت فِرَق بأعداد أكبر!
Mirror.و هو بيُصنف انه مفتوح المصدر و بيتمتع بدعم ممتاز و سلاسة استخدام الي حد كبير و Scalability عالية بالإضافة لخصائص متميزة زي SyncVars, RPCs & Multiple transport supported , و كمان بيتيحلك سهولة تنقلك بين ال Transport layers بكل سهولة ده غير ان تكلفة شراءه صفر و مفيش رسوم شهرية, علي الجانب الآخر من الحجات اللي بتنقصه هو سرعة التزامن و قوة الآداء
DarKRift 2
و هو رغم أنه بيُصنف في مستوي أقل من اللي قبليه و لكن نقدر نقول أن تقييمه بشكل عام ممتاز نظراً لخدمة الدعم الممتازة فيه و الأداء و التزامن و عدد اللاعبين, لكن بينقصه بردو الي حد ما السلاسة في الاستخدام و لا يُنصح استخدامه للمبتدئين و بردو بينقصه التوسع أكتر في الخصائص المتاحة حيث أنه بيستخدم TCP لاعتمادية التواصل. تكلفة شراءه صفر لكن ممكن تختار الحطة المتقدمة و دي ليها سعر خاص, و أياً كانت الحطة اللي هتختارها فمفيش أي رسوم شهرية.
و دي المقارنات زي ما قولنا اللي تقدر تخليها مرجِع ليك لقدام من حيث المقارنة بين خصائصهم
بشكل عام و مدي جودة الاستضافة و الMatchmaking و الGame-play Specific :
و هنا نوصل لنهاية مقالة النهاردة, اكتبولي آراءكم تحت في التعليقات ؟
و تحبوا نتكلم عن ايه المرة الجاية ؟
المصادر:
Comentarios